હોળી આવી

હોળી આવી

હોળી આવી, હોળી આવી કહો છોકરાં શું શું લાવી

ખજૂર, ચણા ને મમરા સંગે ધાણી ધોળી ધોળી લાવી

નાનીમોટી પીચકારી ને રંગ ભરેલી ઝોળી લાવી

આવ ચેતના, આવ રે ચિંટુ તમને બોલાવે છે પિંટુ

... હાથમંહી ગુલાલ લઇને દીપા દડબડ દોડી આવી

રોનક ને રીતુ ત્યાં આવ્યા કેસૂડાના ફૂલ છે લાવ્યાં

સોના ને રૂપાની જોને કાબરચિતરી જોડી આવી

રંગ્યા ચહેરા, રંગ્યા મહોરાં કોણ હશે આ કોનાં છોરાં

બાપુજી કંઇ ચડ્યા વિચારે


ને મા અમને ખોળી લાવી

કીર્તિદા બ્રહ્મભટ્ટ

'પર્વતની ટોચે'માંથી