ચકલીબેનના બચ્ચાં

ચકલીબેનના બચ્ચાં




ચકચક કરતાં ચકલીબેનના માળામાં છે બચ્ચાં ચાર

ચકલી માળામાં જ રહે ને ચકલો રહેતો માળા બા’ર



બચ્ચાં નાનાનાનાં એને નહિ પાંખો, નહિ આંખો

ચકલી ચકલાને કહેતી બસ ધ્યાન બધાંનું રાખો



ઝાડની ટોચે કાગડો રહે છે કરે ન એ જોજો શિકાર

ને પેલી બિલ્લી આવે તો ચિં ચિં કરજો વારંવાર



ચકલો ચોકી કરતાં કહેતો ચિંતા ના કરશો લગાર

આ બચ્ચાં પણ સાંભળજોને હમણાં કરવાનાં કિલકાર



ઊડી જાશે ચારે કાલે પાંખો બે ફૂટતાં ને વાર

પછી થવાનો ખાલી માળો ને થાવાનો છે સૂનકાર



કીર્તિદા બ્રહ્મભટ્ટ

૧૪/૧૨/૨૦૧૧