પેચ

પેચ


આવો સોનુ, મોનુ આવો
દોર લઇ કન્ના બંધાવો
ફીરકીની દોરીને આજે
વાયુ સંગે આમ વહાવો
કોક પૂંછડિયો, કોક ઢાલ છે
એક તણો તો રંગ લાલ છે
નોખા રંગ પતંગ પૂરીને
આભ તણી દુનિયા રંગાવો
સરસર સરતા પતંગ પ્યારા
દિવસે ઊગ્યા આભે તારા
દીનુ કેરા સ્થિર ઊભેલા
પતંગ સંગે પેચ લગાવો
દોર ઉપર જ્યાં દોર પડી
ત્યાં થઇ ગઇ જોરાજોરી
આજ અગાશી આંગણ થઇ ગઇ
પરવ તણો લીધો મેં લહાવો
                         કીર્તિદા બ્રહ્મભટ્ટ
                        'પર્વતની ટોચે'માંથી